आजको व्यवस्थापिका बैठकमा नेपाली कांग्रेस अघि सारेका मागका प्रधानमन्त्री प्रचण्डले सरकारको धारणु राख्दै हुनुहुन्छ ।

आजको व्यवस्थापिका बैठकमा नेपाली कांग्रेस अघि सारेका मागका प्रधानमन्त्री प्रचण्डले सरकारको धारणु राख्दै हुनुहुन्छ । नेपाली कांग्रेसले दलहरुबीच भएका सहमति कार्यान्वयन गर्नुपर्ने माओवादीले कब्जा गरेका घरजग्गा फिर्ता हुनुपर्ने लगायत नौबुँदे शर्त राखी सरकारको धारणु माग गरेको छ । यसैबीच संविधानसभा व्यवस्थापिकाको बैठकमा प्रधानमन्त्री प्रचण्डले आफूले सम्हालेका मन्त्रालयका लागि विनियोजित बजेटमाथि सभासदहरुले उठाएका प्रश्नको जवाफ दिँदै हुनुहुन्छ । उहाँले महिला तथा बालबालिका र भूमि सुधार मन्त्रालयमा विनियोजित बजेटमाथि पनि सभासदका प्रश्नको जवाफ दिनुहुने भएको छ । यसैगरी परराष्ट्रमन्त्रालयका लागि विनियोजित बजेटमाथि सभासदका प्रश्नको जवाफ मन्त्री उपेन्द्र यादवले दिनुहुने भएको छ । संविधानसभा व्यवस्थापिकाको बैठक अहिले केहिबेरमा बस्दैछ । व्यवस्थापिकाको बैठक सकिएपछि आजै संविधानसभाको बैठक पनि बस्दै छ । आजको बैठकमा संविधानसभा नियमावलीको मस्यौदामाथि सैद्धान्तिक छलफल हुने छ । आजको बैठकमा नियमावली मस्यौदा समितिका संयोजक नारायण्ँमान विजुक्छेले नियमावलीमाथि विचार गरियोस् भन्ने प्रस्ताव पेश गर्नुहुनेछ । नियमावलीमाथि सामान्य छलफलपछि संशोधनका लागि म्याद दिइने संविधानसभा सचिवालयले जनाएको छ । संविधानसभाको पूण्र् बैठकले नियमावली पारित गरेपछि संविधान बनाउने प्रकृया सुरु हुन्छ ।

तोकिएकै समयमा संविधान लेखिने प्रधानमन्त्रीको प्रतिबद्धता, समयमा लेख्न नसके जनताको हार हुने प्रधानमन्त्रीको टिप्पणी

प्रधानमन्त्री पुष्पकमल दाहालले सरकार समयमा नै संविधान लेख्न प्रतिवद्ध रहेको बताउनुभएको छ । समयमा नै संविधान निर्माण गर्न आग्रह गर्दै ज्ञापन पत्र बुझाउन गएको नेपाल पत्रकार महासंघको टोलीसँगको भेटमा उहाँले शान्ति प्रकृयालाई निष्कर्षा पुर्‍याएर समयमा नै संविधान लेख्न थुप्रै चुनौती भए पनि सवै चुनौती पन्छाएर संविधान लेख्न सरकार प्रतिवद्ध रहेको दोहोर्‍याउनुभयो ।

समयमै संविधान लेख्न नसकिए जनताको हार हुने प्रधानमन्त्रीको भनाई थियो । विगतमा जस्तै अहिले पनि राजनीतिक क्षेत्रमा बिसंगती देखा परेको भन्दै उहाँले त्यस्तो विसंगतिको प्रवृत्ति विरुद्ध जनताको मोर्चा बन्नु पर्ने बताउनुभयो ।

उहाँले लोकतान्त्रिक आन्दोलनलाई सफल बनाउन तथा गणतन्त्र स्थापनाका लागि नेपाल पत्रकार महासंघले निर्वाह गरेको भूमिकाको प्रशंसा गर्नुभयो । संविधानसभा निर्वाचन सम्पन्न भएको ७ महिना वितिसक्दा पनि संविधान लेखन प्रकृया सुरु नभएकाले आम जनतामा निराशा बढेकोले तत्काल संविधान लेखन प्रकृया थाल्न माग गर्दै महासंघले प्रधानमन्त्री दाहाललाई ज्ञापन पत्र बुझाएको थियो । संविधान निर्माण प्रकृया अबिलम्ब सुरु गराउन दवाव दिने उद्देश्यले महासंघले कार्तिक २० गतेदेखि मंसिर १५ गतेसम्मका लागि विभिन्न दवावमुलक कार्यक्रम घोषणा गरेको छ ।।

विश्वकै सवै भन्दा लामो खुट्टाभएकी महिलाको उपाधि रुसमा जन्मेर स्पेनमा बसावास गर्दै आएकी स्भेतलाना पान्क्राटोभालाई

विश्वकै सवै भन्दा लामो खुट्टा भएकी एक महिलालाई अमेरिकाको न्यूयोर्क शहरमा एक कार्यक्रमबीच गिनिज वर्ल्ड रेकर्ड्सले प्रमाणपत्र प्रदान गरेको छ । रुसमा जन्मेर स्पेनमा बसावास गर्दै आएकी स्भेतलाना पान्क्राटोभाको खुट्टाको लम्वाई बाउन्न इन्च अर्थात एक सय बत्तिस सेन्टिमिटर रहेको छ । चार फिट भन्दा लामो आपनो खुट्टाहरु भएतापनि पान्क्राटोभा विश्वकै सवैभन्दा अग्ली महिला भने बन्न नसकेका गिनिज बुकका आयोजकहरुले बताएका छन् । पान्क्राटोभाले विभिन्न अठार देशका दुइ लाख भन्दा बढी प्रतियोगिहरुलाई हराउँदै गिनिज बुक अफ बर्ल्ड रेकर्ड्समा आप\mनो नाम लेखाउन सफल भएकी हुन् । यसअघि विश्वकै सवै भन्दा लामो खुट्टाभएकी महिलाको उपाधि अमेरिकाको इण्डियाना राज्यमा बस्दै आएकी सान्डी एलनेले प्राप्त गरेकी थिइन् । उनको खुट्टाको लम्वाई उनान्चास इन्च अर्थात एक सय चौविस दशमलव पाँच सेन्टिमिटर रहेको थियो ।।

अमेरिकाको धितोपत्र बजार वालस्टि्रटमा आएको गिरावटका कारण एशियाको कारोवार आजपनि प्रभावित

अमेरिकाको धितोपत्र बजार वालस्टि्रटमा आएको गिरावटका कारण एशियाको कारोवार प्रभावित बनेको छ । आजको प्रारम्भीक कारोवारमा दक्षिण कोरियाको धितोपत्र बजारको कोप्सी सूचाकांकमा दुइ दशमलव छ छ प्रतिशतको गिरावट रर्ेकर्ड गरिएको छ । यसैगरी एशियाको प्रमुख धितोपत्र बजार टोक्योको निक्केइ सूचकांकमा समेत तीन दशमलव तीन शून्य प्रतिशतको गिरावट देखिएको छ । सोमबारको कारोवारमा अमेरिकाको डाउ जोन्स सूचकांक शून्य दशमलव आठ दुइ प्रतिशतले झरेको थियो । अर्कोतिर सोमबार दक्षिा कोरिया लगायत एशियाका प्रमुख धितोपत्र बजारहरुको कारोवारमा सामान्य सुधार देखिएको थियो ।।

राजनीतिक नियुक्तिप्रति असन्तुष्टि जनाउँदै धनुषाका तीसजना माओवादी कार्यकर्ताद्वारा पार्टीबाट राजिनामा

सरकारले गरेको राजनीतिक नियुक्ति प्रति असहमति जनाउँदै नेकपा माओवादीका जिल्ला इन्चार्ज रोशन सहित अठार जना जिल्ला कमिटि सदस्य र बाह्र जना क्षेत्रीय समितिका सदस्य गरी तीस जना कार्यकर्ताले राजीनामा दिएका छन् । राजीनामाको औपचारिक घोषणा आजै पत्रकार सम्मेलन मार्फ गरिने बताएका छन् ।।

सरकारले राजनीतिक नियूक्ति हचुवाको भरमा गरेको माओवादी र एमालेको उच्चस्तरीय समितिको निष्कर्ष

नेकपा माओवादी र नेकपा एमालेले सरकारले विभिन्न क्षेत्रमा हालै गरेको राजनीतिक नियुक्ती हचुवाको भरमा गरेको ठहर गरेका छन् । उनीहरुले नियुक्तीका सम्बन्धमा र्पुन विचार गरी सहमतिको आधारमा राजनीतिक नियुक्ती गर्न माग गरेका छन् । माओवादी संसदिय दलको कार्यालयमा आज बसेको दुइ दलको उच्चस्तिरिय समितिको बैठकले सात दलबीच विगतमा भएको सहमति अनुसार नै सेना समायोजन समिति गठन हुनु पर्नेमा जोड दिएको छ । बैठकमा माओवादीका तर्फ बाट नेता मोहन बैद्य, कृष्णबहादुर महरा र दिनानाथ शर्मा रहनुभएको छ भने एमालेका बरिष्ठ नेता माधव नेपाल, भरतमोहन अधिकारी र भीम रावल सहभागि हुनुुहुन्छ ।।